www.ithayakkani.com
முதல் பக்கம் | வாழ்க்கை வரலாறு | சினிமா | புகைப்பட தொகுப்பு | செய்திகளின் தொகுப்பு | இதயக்கனி இ - பேப்பர் | இதயக்கனியை பற்றி |
அரசியல் வாழ்க்கை | எம்.ஜி.ஆரின் பேச்சுக்கள் | எம்.ஜி.ஆரின் திட்டங்கள் | எம்.ஜி.ஆரின் எண்ணங்கள் | எம்.ஜி.ஆர் நினைவிடம் | எம்.ஜி.ஆரின் ஆன்மீகம்
ITHAYAKKANI
      சினிமா

    அரசியல்

நீங்கள் படித்துக்கொண்டிருப்பது :  இதயக்கனியின் செய்திகள்
தொகுத்தவர்:இதயக்கனி எஸ்.விஜயன்

எம்.ஜி.ஆரின் தளபதிகளில் ஒருவர் சத்யபாமா பல்கலைக்கழக ஜேப்பியார் காலமானார்!

சென்னை -  2016-06-19 07:41:44.0



சத்யபாமா பல்கலைக்கழக, பனிமலர் பாலிடெக்னிக், பொறியியல் கல்லூரி, செயின்ட் ஜோசப் உட்பட பல கல்வி நிறுவணங்களை நிறுவி நடத்தியவர் சத்யபாமா பல்கலைக்கழக வேந்தர் ஜேப்பியார். அமரர் எம்.ஜி.ஆரின் அரசியல் தளபதிகளில் ஒருவராக இருந்தவர் அவர். பள்ளிப்படிப்பு முடிந்த பின் காவல்துறையில் பணிபுரிந்த அவர் எம்.ஜி.ஆர் மீதுள்ள ஈடுபாட்டால் அரசியலில் புகுந்து படிப்படியாக முன்னேற்றம் கண்டு சென்னை மாவட்டத்தின் ஒருங்கிணைந்த அதிமுக செயலாளராக இருந்தவர். எம்.ஜி.ஆர் ஆட்சியில் அவரது சிறப்பு பிரதிநிதியாக இருந்தவர். குடிநீர் வடிகால்வாரிய தலைவராகவும் பொறுப்புகள் வகித்தவர். காலம் கடந்தாலும் சட்டம் பயின்று வழக்கறிஞரானார். ஆனால் அதை முழுமையான தொழிலாக மேற்கொள்ள வில்லை. முக்கிய வழக்குகளில் மட்டும் ஆஜராகி வாதிட்டார். அ.தி.மு.க.வில் அதிக முறை சிறை சென்றவர் அவரே. அதற்காக வழக்கறிஞராக தனக்காக தானே வாதிட்டு விடுதலையாவது வழக்கம்.



எம்.ஜி.ஆர்., தமிழக முதல்வராக இருந்த காலத்திலேயே ஜேப்பியார் திரைப்படத்துறையில் தயாரிப்பாளராக வசந்த அழைப்புகள் (டி.ராஜேந்தர் உருவாக்கிய படம்), போர்ட்டர் பொன்னுசாமி, தங்க ரங்கன், உன்னைவிட மாட்டேன் ஆகியவற்றை தயாரித்தவர், எம்.ஜி.ஆர்., நடித்து நின்று போன 'நல்லதை நாடு கேட்கும்' படத்தில் தானே நாயகனாக நடித்து தயாரித்தார்.

எம்.ஜி.ஆர்., அமரரான பின் படிப்படியாக அரசியலிலிருந்து விலகி, கல்வி நிறுவனங்களைத் தொடங்கினார். சத்யபாமா பல்கலைக் கழகத்தில் மாணவர்களுக்கான உணவு விடுதியை ஒரு அன்னசத்திரம் போல் மாணவர்களைத் தேடி யார் சென்றாலும் சைவ, அசைவ உணவு வகைகளை விருப்பம் போல் சாப்பிட ஏற்பாடுகளைச் செய்திருந்தார். அந்த கல்வி நிறுவனங்களின் பல்வேறு சிறப்புக்களில் இதுவும் ஒன்று.
ஜேப்பியார் தன் 85 வயதில் உடல்நலக் குறைவு காரணமாக குளோபல் மருத்துவமனையில் சேர்க்கப்பட்டு அங்கு சிகிச்சை பலனின்றி நேற்று காலமானார்.


உங்கள் எண்ணங்களை 'கருத்து களத்தில் (Comment Box)' தெரிவித்ததுடன், மேலே உள்ள செய்தியை, நீங்கள் உங்கள் நண்பர்களுடன் பகிர்ந்து கொள்ளலாம், follow Ithayakkani magazine on Facebook, Twitter, Youtube

-செய்தியாளர்,
www.ithayakkani.com

கருத்துக்களை பதிவு செய்ய / Register Your Comments...

வாசகர் கருத்துக்கள் / Reader Comments: